სახელმწიფო უსაფრთხოების აკადემიაში ქიმიურ და ბიოლოგიურ საგანგებო სიტუაციაზე რეაგირების უწყებათაშორისი პრაქტიკული სწავლება NEXUS Georgia 2026-ის შემაჯამებელი შეხვედრა გაიმართა.
საველე-პრაქტიკული სწავლება საქართველოს სახელმწიფო უსაფრთხოების სამსახურისა და ამერიკის შეერთებული შტატების თავდაცვის საფრთხის შემცირების სააგენტოს (DTRA) თანამშრომლობით ჩატარდა, რომლის
მიზანს, სწავლების პროცესში გამოვლენილი შესაძლებლობების, არსებული პრაქტიკისა და სახელმწიფო უწყებებს შორის კოორდინაციის მექანიზმების შეფასება წარმოადგენდა.
შეხვედრის ფარგლებში, ასევე განიხილეს თანამშრომლობის გაღრმავებისა და სამომავლო პარტნიორობის განვითარების პერსპექტივები.
ღონისძიებას სახელმწიფო უსაფრთხოების სამსახურის, შინაგან საქმეთა, თავდაცვის, ეკონომიკისა და მდგრადი განვითარების, ფინანსთა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროების შესაბამისი დანაყოფების წარმომადგენლები ესწრებოდნენ.
აღსანიშნავია, რომ საქართველოს სახელმწიფო უსაფრთხოების სამსახურსა და ამერიკის შეერთებული შტატების თავდაცვის საფრთხის შემცირების სააგენტოს მრავალწლიანი და წარმატებული თანამშრომლობა აკავშირებს.
