სახელმწიფო უსაფრთხოების აკადემიის მიერ იმერეთის რეგიონში ორგანიზებული ინტეგრირებული ტრენინგკურსი „ოპერატიული, საგამოძიებო და ანალიტიკური საქმიანობის საფუძვლები სახელმწიფო უსაფრთხოების სისტემაში“ დასრულდა.
ტრენინგში მონაწილეობა მიიღო საქართველოს 34-მა მოქალაქემ, რომელთაც ათი დღის განმავლობაში ინტენსიური შეხვედრები ჰქონდათ უსაფრთხოების სფეროს მოქმედ ექსპერტებთან და პრაქტიკოს სპეციალისტებთან. კურსის ფარგლებში მსმენელებმა შესაბამისი დანაყოფების წარმომადგენლებისგან მიიღეს პროფესიული ცოდნა გამოძიების ტექნიკის, ოპერატიული და ანალიტიკური საქმიანობის მიმართულებით, ასევე, გაეცნენ აღნიშნულ სფეროებში არსებულ თანამედროვე მიდგომებსა და პრაქტიკულ გამოცდილებას.
კურსის დასრულების შემდეგ მსმენელებს შესაბამისი სერტიფიკატები გადაეცათ.
