სახელმწიფო უსაფრთხოების აკადემიის მიერ ორგანიზებული მოკლევადიანი ტრენინგკურსი „ორგანიზებული კიბერშეტევითი ჯგუფები და მათი გავლენა სახელმწიფო უსაფრთხოებაზე“ დასრულდა.
კურსში მონაწილეობა მიიღო საქართველოს 29 მოქალაქემ, რომელთაც შესაძლებლობა ჰქონდათ, დარგის მოქმედი ექსპერტებისგან მიეღოთ ცოდნა კიბერდანაშაულისგან მომდინარე საფრთხეებსა და პრევენციის ძირითად პრინციპებზე. ტრენინგის ფარგლებში განიხილეს კიბერუსაფრთხოების სამართლებრივი ჩარჩო, ინსტიტუციური მოწყობა, კიბერსაფრთხეების ტიპები და შესაძლებლობები. მონაწილეები, ასევე, გაეცნენ სხვადასხვა ქვეყანაში გამოვლენილ კიბერშეტევების შემთხვევებსა და შემტევი პირების მიერ გამოყენებულ მეთოდებს.
კურსის დასრულების შემდეგ სახელმწიფო უსაფრთხოების აკადემიის რექტორმა სოფიო აბულაშვილმა მსმენელებს სერტიფიკატები გადასცა.
